Ավարտվեց Հայաստանի դպրոցական շախմատի հանրապետական օլիմպիադան, որտեղ մասնակցում էին Հայաստանի բոլոր մարզերի և Երևանի ուժեղագույն թիմերը։
Արարատի մարզը ներկայացնում էր Մասիս քաղաքի N3 դպրոցը հետյալ կազմով՝
- Ալեն Գրիգորյան
- Հայկ Հովհաննիսյան
- Կարեն Եսայան
- Վիոլետա Եսայան
Թիմի ղեկավար՝ Միքայել Մարտիրոսյան
15 տուրի արդյունքում մեր թիմը գրավեց 5-րդ հորիզոնականը՝ տոնելով 8 հաղթանակ, կրելով 5 պարտություն և 2 մրցամարտ ավարտելով խաղաղությամբ։
Թիմում լավագույն արդյունքը ցույց է տվել Վիոլետա Եսայանը, ով աղջիկների պայքարում 15 հնարավորից վաստակել է 12 միավոր։ Տղաներից Վիոլետայի եղբայր Կարեն Եսայանը 3-րդ խաղատախտակի վրա խաղալով վաստակել է 8․5 միավոր, 2-րդ խաղատախտակի վրա խաղացող Հայկ Հովհաննիսյանը վաստակել է 8 միավոր, իսկ ուժեղագույն 1-ին խաղատախտակի վրա Ալեն Գրիգորյանը վաստակել է 6 միավոր։
Հավելենք, որ բացի օլիմպիադայից մասնակիցների համար կազմակերպվել են էքսկուրսիաներ։