Ինչպես նշվել էր նախորդ հոդվածում, Աննա Սարգսյանն ու Արշակ Մելքոնյանը մասնակցում են Հայաստանի տղամարդկանց առաջին խմբի մրցաշարին։ Երկու շախմատիստի համար էլ սա առաջին ելույթն էր այս մրցաշարում։ Ներկայացնենք արդյունքները 6 տուրից հետո։
Աննա Սարգսյան
Հայաստանի ուժեղագույն կին շախմատիստուհիներից մեկը դժվարությամբ մեկնարկեց տղամարդկանց մրցաշարում։ Առաջին տուրում Արման Միքայելյանին պարտվելուց հետո Աննան ոչ-ոքի խաղաց մեր մարզի մյուս ներկայացուցիչ Արշակ Մելքոնյանի հետ, սակայն հետագայում կրկին անհաջող ելույթ ունեցավ։ Ընդմիջումից առաջ մեր շախմատիստուհուն հաջողվեց սպիտակներով հաղթել Էմին Օհանյանին։ Ստորև Ներկայացնենք մրցաշարի պարտիաները․
15-ամյա Արշակը նույնպես մրցաշարը սկսեց պարտությամբ, սակայն հետագայում կարողացավ ուղղել իրավիճակը և ոչ-ոքիների շարք գրանցել։ Այս պահի դրությամբ պատանի շախմատիստի վարկանիշը բարձրացված է 47,6 կետով։ Ներկայացնենք Արշակի պարտիաները․
