Հայաստանի շախմատի ակադեմիայում շարունմակվում է Հայաստանի առաջնության կիսաեզրափակիչ փուլը։ Կանոնակարգը ՝ նախորդ հոդվածում։
Ներկայացնենք մեր մարզի երեխաների արդյունքները ըստ տարիքային խմբերի։
Մինչև 8 տարեկաններ
Արտաշես Մարտիրոսյանը շարունակում է սպիտակներով հաղթել և սևերով պարտություն կրել։ 6 խաղում նա ամեն գույնով խաղացել է 3-ական պարտիա՝ հետևապես վաստակել է 3 միավոր։ Նույնքան միավոր ունի նաև Մաքսիմ Ապելյանը։ Սամվել Ալեքսանյանը վաստակել է 1,5 միավոր։
Մինչև 10 տարեկան տղաներ
Մինչև 10 տարեկանների խմբում Կարեն Եսայանը մրցաշարի առաջատարներից մեկն է։ Զիջելով միայն առաջատար Միքայել Իբոյանին՝ Կարենը 5 միավորով գտնվում է երկրորդ հորիզոնականում։ 4 միավորով առաջատարներին հետապնդում է Ներսես Ֆահրադյանը, Ներսեսին ևս կես միավոր զիջում է Դավիթ Գրիգորյանը։ Խաչատուր Եղիազարյանը։ Սահակ Ասատրյանը և Արամ Խաչատրյանը վաստակել են 3 միավոր։
Մինչև 12 տարեկան տղաներ
Մինչև 12 տարեկան տղաների խմբում վեդեցի Դավիթ Դավթյանը շարունակում է գտնվել առաջատարների խմբում 4,5 միավորով։ Իրեն կես միավոր զիջում է Ալեն Գրիգորյանը։ Ալեն Պողոսյանը հաջող մեկնարկից հետո կրեց երկու անընդմեջ պարտություն և այժմ ունի 3,5 միավոր։ 3 միավոր է վաստակել Հակոբ Հայրապետյանը։ Ժորա Պաչատրյանը և Հայկ Հովհաննիսյանը ունեն 2,5 միավոր։
Մինչև 14 տարեկան տղաներ
Մինչև 14 տարեկան տղաների խմբում Սարգիս Գալստյանը և Ռուբեն Աթանեսյանը վաստակել են 3,5 միավոր։ Վիլիկ Առաքելյանը իրենց զիջում է 1 միավոր։
Մինչև 16 տարեկան տղաներ
Մինչև 16 տարեկան տղաների պայքարում առաջատար Գոռ Հարությունյանը շարունակում է հետապնդել առաջատարներին և մրցանակային տեղից ետ է 0,5 միավոր։ Նարեկ Մանուկյանը վաստակել է 2 միավոր, Ռաֆիկ Կալիջյանը՝ 1,5։ Դենիս Առաքելյանը դուրս է եկել մրցաշարից։
Մինչև 10 տարեկան աղջիկներ
Մինչև 10 տարեկան աղջիկների խմբում մեր մարզի երեք ներկայացուցիչներն էլ միասին շարունակում են 3,5-ական միավորով հետապնդել առաջատարներին։ Մանե Մարտիրոսյանը և Ամելի Պողոսյանը այսօր կխաղան միմյանց դեմ։ Մագդա Աթանեսյանը կխաղա հնարավորություն ունի առաջ անցնել բոլորից։
Մինչև 12 տարեկան աղջիկներ
Մինչև 12 տարեկան աղջիկների խումբը բաժանված է երկու ենթախմբի, որոնցից յուրաքանչյուրում մեր մարզը ներկայացնում է մեկական շախմատիստուհի։ Առաջին խմբում Գայանե Խաչատրյանը վաստակել է 2 միավոր և կիսում է երրորդ հորիզոնականը, երկրորդ խմբում Գոհար Սանասարյանը վաստակել է 3 միավոր և 0,5 միավորով ետ է մնում մրցանակային եռյակից։
Մինչև 14 տարեկան աղջիկներ
Մինչև 14 տարեկան աղջիկների խմբում մասիսցիներ Վիոլետա Եսայանը վաստակել է 3,5 միավոր, Լիդյա Խաչատրյանը՝ 3 միավոր։