Աշխարհի գավաթի 1/32 եզրափակչի հիմնական փուլում 1-1 խաղալուց հետո Հայկ Մարտիրոսյանը թայ-բրեյքում պայքարեց հաջորդ փուլի ուղեգրի համար։ Որպես ավելի բարձր վարկանիշ ունեցող շախմատիստ՝ Շահրիյար Մամեդյարովը որոշեց առաջին պարտիան խաղալ սպիտակներով։ Մամեդյարովը շատ ագռեսիվ խաղարկեց սկզբնախաղը՝ փորձելով անպայման հաղթել սպիտակներով։ Հայկը վճռական գործողություններով ակտիվ հակախաղ ստեղծեց և ստիպեց սպիտակներին պաշտպանվել։ Ցայտնոտային սխալների շարքից հետո խաղը տեղափոխվեց հավասար վերջնախաղ, որտեղ սևերը առանց պարտվելու ռիսկի կարող էին պայքարել հաղթանակի համար։ Երկար տանջանքից հետո Մամեդյարովը սխալ թույլ տվեց և պարտություն կրեց։