Արարատի մարզի շախմատի պատասխանատու Միքայել Մարտիրոսյանը այցելեց Արտաշատ քաղաքի գեղագիտական կենտրոն

Մարտի 13-ին Արարատի մարզի շախմատի պատասխանատու Միքայել Մարտիրոսյանը այցելեց Արտաշատ քաղաքի գեղագիտական կենտրոն։

Տեղի ունեցավ հանդիպում կենտրոնի շախմատի սաների հետ։Հանդիպման ընթացքում պարոն Մարտիրոսյանը պատասխանեց փոքրիկ շախմատիստներին հետաքրքրող հարցերը։

Հանդիպման վերջում գեղագիտական կենտրոնի տնօրեն Մելանյա Սարգսյանի գլխավորությամբ Միքայել Մարտիրոսյանը շնորհավորեց և նվերներ հանձնեց կենտրոնի սան Դավթյան Մառին՝ մարզային առաջնության ընթացքում բարձր արդյունք ցուցաբերելու համար։

Շնորհակալագրով պարգևատրվեց նաև Գեղագիտական կենտրոնի շախմատի մարզիչ՝ Սիմոնյան Սուսաննան վերջին շրջանում շախմատի զարգացմանը և մասսայականացմանը մեծապես նպաստելու համար։