Մասիսի խոշորացված համայնքի աջակցությամբ 3 սաներ մարզիչ Բարսեղյան Նարեկի ուղեկցությամբ մասնակցեցին Ստեփան Ավագյանի մանկապատանեկան միջազգային հուշամրցաշարին

Ինչպես գիտենք՝ Մասիս խոշորացված համայնքի ղեկավար Դավիթ Համբարձումյանի մշտական ուշադրության ներքո են գտնվում մեր շախմատիստները։ Այս տարի նույնպես Մասիսի խոշորացված համայնքի աջակցությամբ 3 սաներ մարզիչ Բարսեղյան Նարեկի ուղեկցությամբ մեկնեցին Ջերմուկ և մասնակցեցին Ստեփան Ավագյանի մանկապատանեկան միջազգային հուշամրցաշարին։

Ստորև ներկայացնում ենք մեր սաների հաջողությունները՝

• Մինչև 8 տարեկանների խմբում Հակոբյան Սոսը (Մարզիչ՝ Բարսեղյան Նարեկ) գրավեց 1-ին տեղ և Մինչև 8 տարեկանների Աշխարհի և Եվրոպայի առաջնության ուղեգիր նվաճեց։
• Մինչև 12 տարեկանների խմբում Ավագյան Սուրենը (Մարզիչ՝ Մանուկյան Սարգիս) գրավեց 5-րդ տեղ։
• Մրցաշարի շրջանակներում անցկացված բլից մրցաշարում Պողոսյան Դավիթը (Մարզիչ՝ Բարսեղյան Նարեկ) մինչև 12 տարեկաններ մասնակիցների ենթախմբում գրավեց 2-րդ տեղ։

Շնորհավորում ենք մեր շախմատիստներին և մաղթում նորանոր հաղթանակներ։

Մեր խորհին շնորհակալությունն ենք հայտնում Մասիս խոշորացված համայնքին և համայնքի ղեկավար Դավիթ Համբարձումյանին մշտական աջակցության և մարզում շախմատի զարգացման անգնահատելի օժանդակության համար։