Նոյեմբերի 27-ից 30-ը Տիգրան Պետրոսյանի անվան շախմատի տուն-մարզադպրոցում անցկացվում է Հայաստանի շախմատի ֆեդերացիայի կողմից կազմակերպված Կարեն Ասրյանի հիշատակին նվիրված շրջանային մրցաշարը:
Նոյեմբերի 27-ին և 28-ին տեղի ունեցած Արագ շախմատի մրցաշարում Հայկ Մարտիրոսյանը 9 հնարավորից վաստակեց 7.5 միավոր և վստահորեն գրավեց 1-ին հորիզոնականը՝ 1.5 միավոր առաջ անցնելով 2-րդ տեղը գրաված Պարհամ Մաղսուդլուից։
Նոյեմբերի 29-ին և 30-ին տեղի կունենա բլից մրցաշարը։
Այս պահին 9 հնարավորից 6 միավորով Հայկը կիսում է առաջին հորիզոնականը, այսօր տեղի կունենան եզրափակիչ մրցախաղերը։
Հուշամրցաշարի ընդհանուր հաշվարկում՝
Արագ շախմատում հաղթանակի համար կտրվի 2 միավոր, ոչ-ոքիի դեպքում՝ 1 միավոր
Կայծակնային շախմատում հաղթանակի համար կտրվի 1 միավոր, ոչ-ոքիի դեպքում՝ կես միավոր