Մասիս քաղաքում շարունակվում է Արարատի մարզի պատանիների առաջնությունը, որը համարվում է ընտրական մրցաշար ՀՀ կիսաեզրափակչի համար։
Մասիս քաղաքի համայնքապետ Նորայր Հակոբյանը ջերմորեն հյուրընկալեց Հայաստանի շախմատի ակադեմիայի հիմնադիր-նախագահ, Հայաստանի շախմատի ֆեդերացիայի նախագահի առաջին տեղակալ Սմբատ Լպուտյանին և Հայաստանի շախմատի ֆեդերացիայի գործադիր տնօրեն Արմեն Գևորգյանին։
Հանդիպման ընթացքում քննարկեցին պատանիների մարզային առաջնության ընթացիկ մրցաշարը ,ինչպես նաև Մասիս համայնքում շախմատի զարգացման առաջիկա ծրագրերը։
Համայնքապետի հետ հանդիպումից հետո Պարոն Լպուտյանը և Պարոն Գևորգյանը աշխատանքային հանդիպում ունեցան Արարատի մարզի Հայաստանի շախմատի ակադեմիայի մասնաճյուղերի մարզիչների հետ։
Հանդիպմանը ներկա էր նաև Մասիս համայնքի ղեկավարի խորհրդական Ռուբեն Հովհաննիսյանը։
Արարատի մարզի շախմատի պատասխանատու Միքայել Մարտիրոսյանը ներկայացրեց մարզի ընդհանուր շախմատի զարգացմանը ուղղված աշխատանքները և հետագա անելիքները,որից հետո Արարատի մարզի համայնքների Շախմատի ակադեմիայի մարզիչները Պարոն Լպուտյանին ներկայացրեցին առաջիկա իրենց ծրագրերը և շախմատի հետ կապված իրենց խնդիրները։ Հանդիպման վերջում Պարոն Լպուտյանը ներկայացրեց առաջիկա ծրագրերը և տվեց հանձնարարականներ։ Խոսքի վերջում բարձր գնահատեց Արարատի մարզում տեղի ունեցող աշխատանքները։
Քննարկումից հետո Պարոն Լպուտյանը և Պարոն Գևորգյանը Ռուբեն Հովհաննիսյանի ուղեկցությամբ շրջայց կատարեցին Մասիս քաղաքի երաժշտական դպրոցում տեղի ունեցող պատանիների առաջնությանը՝ հետևելով մրցաշարի ընթացքին գոհունակություն հայտնեցին կազմակերպված աշխատանքների համար։
Արարատի մարզի շախմատի պատասխանատու Պարոն Միքայել Մարտիրոսյանը շնորհակալություն հայտնեց Հայաստանի շախմատի Ֆեդերացիային և Հայաստանի շախմատի ակադեմիային մշտական աջակցության համար։